I mí Aibreáin, foilsíodh buiséad nua don Chomhairle Ealaíon i gcomhair na bliana 2009; cinntíodh an figiúr nuair a foilsíodh na meastacháin athbhreithnithe. Tá ráiteas faoin bhfigiúr nua seo ónár gCathaoirleach, Pat Moylan, sa nuachtlitir.

Tá áthas orainn a chur in iúl d'ealaíontóirí agus d'eagraíochtaí gur féidir leo a gcuid imeachtaí a chur isteach i gcomhair féilire nua de chuid na Comhairle Ealaíne. Déanfar an féilire seo a sheoladh go luath agus beimid á chur chun cinn go forleathan. Tá sé mar aidhm ag an tseirbhís seo aird a tharraingt ar na healaíona timpeall na tíre ar fad, daoine a ghríosú chun freastal ar níos mó imeachtaí nó chun páirt a ghlacadh iontu, agus chun na díbhinní móra don tsochaí agus don eacnamaíocht a thagann ó infheistíocht phobail sna healaíona a léiriú.

Fógraímid roinnt cruinnithe eolais atá á eagrú ag foireann na n-ealaíon traidisiúnta i gcomhpháirtíocht le roinnt údaráis áitiúla i gCúige Laighean agus i lár na tíre sa nuachtlitir seo freisin. Tá faisnéis againn maidir le próiseas comhairliúcháin téatair a bheidh ar siúl i rith an tsamhraidh, agus tá an scéal is déanaí againn maidir le suíomh gréasáin nua na healaíne poiblí a sheolfar i mí na Bealtaine.

Tá na hailt rialta uainn maidir le nuacht ón bpobal ealaíon agus deiseanna idirnáisiúnta ón bPointe Teagmhála Cultúrtha chomh maith.

Mary Cloake
Stiúrthóir

Ráiteas ón gCathaoirleach, Pat Moylan, maidir leis an laghdú a rinneadh le déanaí ar bhuiséad na Comhairle Ealaíon i gcomhair na bliana 2009.

Tá an Chomhairle Ealaíon ag iarraidh ar gach eagraíocht chistithe agus duine aonarach sonraí a chur isteach maidir le himeachtaí poiblí lena gcur san áireamh i dtreoir nua ar líne.

Sna míonna atá romhainn, beidh foireann na Comhairle Ealaíon um na healaíona traidisiúnta ar camchuairt i lár tíre/i gCúige Laighean le páirt a ghlacadh i roinnt cruinnithe eolais.

Rachaidh an Chomhairle Ealaíon i mbun comhairle le baill de phobal an téatair maidir leis an gcaoi is fearr le dul i ngleic le dúshláin amach anseo ó thaobh maoiniú a chur ar fáil chun drámaíocht ghairmiúil a léiriú agus a chur i láthair.

Déanfar suíomh gréasáin nua ealaíne poiblí a sheoladh i mí na Bealtaine.

Deiseanna i bpobal na n-ealaíon in mí Aibreán lena n-airítear eolas ar an spriocdháta atá ag teannadh linn do ghearrscannáin a chur isteach do Fhleadh Scannán na Gaillimhe; deis scoláireachta ón Music Network do dhianchúrsa forbartha gairmiúla dar teideal Making Overtures 2009 agus gairm ealaíontóirí/thionscadail chun úsáid a bhaint as an Back Loft, spás ilchuspóra de chuid La Catedral Studios.

Nuacht ón bPointe Teagmhála Cultúrtha in mí Aibreáin lena n-airítear: eolas ar an gclár cultúrtha infodays in Barcelona, Vilnius agus sa Bhruiséil; gairm tograí do chlár 'an óige i mbun gnímh'; gairm oscailte ar iarratais do threoirthionscadal spáis do luaineacht ealaíontóra; fógra maidir leis an gcomórtas grianghraif IMAGO europae 2009 agus sonraí maidir le seimineár ar sheirbhísí poiblí a sheachadadh i lár géarchéime airgeadais in Maastricht i mí Iúil.