Ainmníodh Siobhán Parkinson ina chéad laureate le haghaidh litríocht na leanaí in Éirinn an mhí seo (Laureate na nÓg). Bhronn an tUachtarán Máire Mhic Ghiolla Íosa bonn Laureate na nÓg uirthi ag ócáid speisialta i gceanncheathrú na Comhairle Ealaíon. Is cúis bróid don Chomhairle Ealaíon é an chéad laureate le haghaidh litríocht do leanaí in Éirinn a ainmniú. Déanfaidh Leabhair Pháistí Éireann bainistíocht air thar ceann na Comhairle. I nuachtlitir na míosa seo tabharfaimid tuilleadh eolais duit faoin ról, agus tá an chéad agallamh le Siobhán againn. 

Fógraíonn an Chomhairle Ealaíon sonraí faoi na hiarrthóirí ar éirigh leo faoi bhabhta a dó de Scéim na bhFéilte Beaga don bhliain 2010 agus tá eolas againn faoin spriocdháta atá ag teacht aníos don Dámhachtain Sparánachta, babhta 2. 

Tá glaoch ar iarratais againn ó Lucht Féachana na nEalaíon freisin le haghaidh treoirscéime ina roghnófar trí thionscadal chun tacaíocht agus monatóireacht struchtúrach a fháil ó ghairmithe sa tionscal; iarrann an scéim ar eagraíochtaí a d’fhéadfadh lucht féachana cosúil lena chéile a bheith acu a bheith ina gcomhpháirtithe agus modhanna díreacha ar chostas íseal a cheapadh chun a lucht féachana a mhéadú. Cuireann Lucht Féachana na nEalaíon trí thuarascáil ar fáil freisin ón Scéim Meantóireachta um na Meáin Nua agus foilsítear an Treoir maidir le Margaíocht a dhéanamh ar do Thaibhléiriú ar Camchuairt, tuarascáil a eascraíonn ón scéim Tóg Ar Do Lucht Féachana.

Roghnaíodh an té a fuair sparánacht Chathaoir Filíochta na hÉireann (Ireland Chair of Poetry) don bhliain 2010. Tá an-áthas orainn a fhógairt gur toghadh córas seirbhísí ar líne na Comhairle Ealaíon a seoladh le déanaí mar thionscadal TF na Bliana (an earnáil phoiblí) sna Dámhachtainí maidir le Sármhaitheas TFC. Tá nóta beag ann freisin ag meabhrú do shíntiúsóirí faoi shuíomh Gréasáin na healaíne poiblí (www.publicart.ie), a chuireann eolas ar fáil d’ealaíontóirí atá ag obair sa réimse poiblí.

Ag deireadh na nuachtlitreach tá na hailt rialta maidir le nuacht ó phobal na n-ealaíon agus deiseanna idirnáisiúnta ón bPointe Teagmhála Cultúrtha. 

D’fhógair an tUachtarán Máire Mhic Ghiolla Íosa Siobhán Parkinson mar Laureate na nÓg, an chéad laureate in Éirinn le haghaidh litríocht do leanaí. Bhronn an tUachtarán bonn Laureate na nÓg uirthi ag ócáid speisialta i gceanncheathrú na Comhairle Ealaíon.

D'fhógair an Chomhairle Ealaíon sonraí na ndaoine ar éirigh leo faoi bhabhta a dó de Scéim na bhFéilte Beaga Ealaíon do 2010.

Is é spriocdháta an dara babhta de na Dámhachtainí Sparánachta ná Déardaoin, an 15 Iúil, 2010 ag 5.30 i.n.

Tá Lucht Féachana na nEalaíon ag tabhairt faoi threoirthionscadal le comhoibriú foirmiúil a thosú agus a chomhordú i measc eagraíochtaí ealaíon.

Cuireann Lucht Féachana na nEalaíon trí thuarascáil ó fhaighteoirí Scéim Meantóireachta um na Meáin Nua ar fáil. Freisin an mhí seo, foilsíonn Lucht Féachana na nEalaíon Guide to Marketing Your Production on Tour, tuarascáil ón Scéim Build Your Audience.

Bhronn iontaobhaithe Chathaoir Filíochta na hÉireann (Ireland Chair of Poetry) sparánacht 2010 Chathaoir Filíochta na hÉireann ar Mariam Gamble le déanaí.

Toghadh córas seirbhísí ar líne na Comhairle Ealaíon a seoladh le déanaí mar Tionscadal TF na Bliana (An Earnáil Phoiblí) sna Dámhachtainí maidir le Sármhaitheas TFC.

Cuireann an suíomh Gréasáin seo a bunaíodh le déanaí eolas ar fáil d’ealaíontóirí atá ag obair sa réimse poiblí.

Ar chuid den nuacht ó phobal na n-ealaíon in Bealtaine tá: glaoch ar fhísealaíontóirí le haghaidh taispeántas in Ionad Ealaíon Theach na Cúirte; fógraíonn Dánlann agus Stiúideo Bharra an Teampaill faighteoirí na dámhachtana malartaithe agus stiúideo Éireannach agus Fionlannach don bhliain 2010; fógraíonn Music Network an Stiúrthóir agus an Bord don Chlár Náisiúnta um Oideachas Ceoil.

Áirítear leis an nuacht ón bPointe Teagmhála Cultúrtha i mí na Bealtaine: faisnéis faoi threoir clár nua a d’fhoilsigh an Ghníomhaireacht Feidhmiúcháin Oideachais Closamhairc agus Cultúir don Chlár Cultúir 2007-2013; gairm tograí don chlár LIFE+, ionstraim airgeadais an AE a thugann tacaíocht do thionscadail caomhnaithe comhshaoil agus dúlra ar fud an AE; acmhainn nua ar a dtugtar EVE is féidir a úsáid le féachaint ar na mílte tionscadal ar líne a fhaigheann maoiniú ón AE agus a gcuid torthaí, agus ar deireadh d’fhoilsigh an Coimisiún Eorpach treoir do thosaitheoirí maidir le deontais agus maoiniú an AE.