Tá sé geallta ag an gComhairle Ealaíon go ndéanfaidh sí cás láidir don Rialtas chun an díolúine ó cháin d'ealaíontóirí a choimeád.  I ráiteas a scaoileadh an mhí seo, labhraíonn Pat Moylan, Cathaoirleach na Comhairle Ealaíon, faoin tábhacht a bhaineann leis an díolúine d'ealaíontóirí maidir le próifíl chultúrtha na hÉireann a fheabhsú ar fud an domhain agus ealaíontóirí óga a spreagadh chun fanacht in Éirinn.  Tugann sí le fios go láidir nach mbreathnaítear ach ar dhá fán gcéad de na tairbhithe mar lucht ardioncaim agus nach 'faoiseamh don fhear saibhir' é.  Tá ráiteas iomlán Pat Moylan ar fáil le léamh i nuachtlitir na míosa seo.

Freisin an mhí seo, tá tuilleadh eolais againn ar Comharthaí Beatha: Na hEalaíona agus an tSláinte i gComhthéacs, tionscnamh a bhfuil sé mar aidhm aige na healaíona agus an tsláinte a chur chun cinn mar chleachtas ealaíne comhaimseartha. Beidh síntiúsóirí in ann breathnú ar chlár iomlán an taispeántais agus clárú don chomhdháil an 15 Deireadh Fómhair.

Tugann Lucht Féachana na nEalaíon isteach scéim phíolótach nua a bhfuil sé mar aidhm aici sainteagasc a sholáthar saor in aisce do líon teoranta eagraíochtaí ar mhargaíocht na n-ealaíon agus ar fhorbairt lucht féachana.

Fáiltímid roimh iarratais ar dheontais i dtreo chostas trealaimh agus/nó feabhsúchán ar chaighdeán spásanna oibre ealaíontóirí.  Tá na cinntí don bhabhta is deireanaí de Scéim na nEalaíontóirí sa Phobal fógartha.  Tá eolas againn ar an Scéim Reel Art agus freisin tugaimid meabhrúchán duit faoi na spriocdhátaí atá romhainn do na Deontais le haghaidh Clár Bliantúil, na Dámhachtainí Ealaíon agus Míchumais agus don Scéim Chaipitiúil Ceoil.

Soláthraíonn an Chomhairle eolas ar a plean chun suíomh gréasáin nua um sheirbhísí ar líne a sheoladh in 2010 chun rochtain leanúnach a thabhairt ar sheirbhísí roghnaithe de chuid na Comhairle Ealaíon seacht lá sa tseachtain.  Freisin áiríonn an nuachtlitir seo fógra tábhachtach ar ghrinnfhiosrúchán an Gharda Síochána agus cuirimid i gcuimhne d'eagraíochtaí smaoineamh ar na himpleachtaí a bhaineann leis an bhfliú mucúil H1N1 maidir lena gcuid oibríochtaí agus imeachtaí féin.

Is iad na hailt dheireanacha sa nuachtlitir ná na scéalta rialta ón bPointe Teagmhála Cultúrtha agus nuacht ó phobal na n-ealaíon. 

Mary Cloake
Stiúrthóir

Tá sé ráite ag an gComhairle Ealaíon go ndéanfaidh sí cás láidir don Rialtas chun an scéim díolúine ó cháin d'ealaíontóirí a choimeád.

Soláthraímid tuilleadh eolais ar Comharthaí Beatha, clár imeachtaí ealaíon agus sláinte a bheidh ar siúl ó 14-21 Deireadh Fómhair. Tugtar cuireadh do shíntiúsóirí féachaint ar chlár iomlán an taispeántais agus clárú le haghaidh na comhdhála Comharthaí Beatha an 15 Deireadh Fómhair.

Scéim phíolótach nua dar teideal 'Build your Audience' ceaptha ag Lucht Féachana na nEalaíon a sholáthróidh sainteagasc saor in aisce do thrí heagraíocht maidir le margaíocht na n-ealaíon agus forbairt lucht féachana.

Fáiltíonn an Chomhairle Ealaíon roimh iarratais ar dheontais i dtreo chostas trealaimh agus/nó feabhsúchán ar chaighdeán spásanna oibre ealaíontóirí.

Fáiltíonn an Chomhairle Ealaíon roimh iarratais ar dheontais i dtreo chostas trealaimh agus/nó feabhsúchán ar chaighdeán spáannas oibre ealaíontóirí. Is é an spriocdháta don scéim seo ná Déardaoin, an 5 Samhain ag 5.30 i.n.

Fógrófar sonraí maidir leis an dara scéim Reel Art an Déardaoin, 1 Deireadh Fómhair 2009.

Is é an spriocdháta chun iarratais ar Dheontais le haghaidh Clár Bliantúil a fháil ná Déardaoin an 22 Deireadh Fómhair 2009. Is d'eagraíochtaí atá ag lorg maoiniú ón gclár seo le haghaidh gníomhaíochtaí in 2010 é an spriocdháta seo.

Cuimsíonn na Dámhachtainí Ealaíon agus Míchumais clár uathúil sparánachta le haghaidh ealaíontóirí faoi mhíchumas a bhfuil cónaí orthu i dTuaisceart Éireann agus i bPoblacht na hÉireann atá ag obair i ngach foirm ealaíne.  Is é an spriocdháta don chéad bhabhta eile de na Dámhachtainí Ealaíon agus Míchumais ná Dé Luain an 2 Samhain 2009.

Is é an spriocdháta don Scéim Chaipitiúil Ceoil ná 5:30 i.n, an 2 Samhain 2009.

Tá sé beartaithe ag an gComhairle Ealaíon suíomh gréasáin nua um sheirbhísí ar líne a sheoladh in 2010 a thabharfaidh rochtain leanúnach duit ar sheirbhísí roghnaithe de chuid na Comhairle Ealaíon seacht lá sa tseachtain. 

Soláthraímid eolas ar ghrinnfhiosrúchán an Gharda Síochána d'earnáil na n-ealaíon.

Molann an Chomhairle Ealaíon d'eagraíochtaí smaoineamh ar na himpleachtaí a bhaineann leis an bhfliú mucúil H1N1 maidir lena gcuid oibríochtaí agus imeachtaí féin.

Áirítear leis na deiseanna ó phobal na n-ealaíon i mí Mheán Fómhair: glao um oibrithe deonacha in dá fhéile ealaíon,  an Darklight Film Festival agus Open House 2009; agus deis chun clárú le haghaidh na Natural Born Artists: Comhdháil ar Ealaíona do na Luathbhlianta arna hóstáil ag Baboró.  

Aírítear leis na scéalta ón bPointe Teagmhála Cultúrtha i mí Mean Fómhair: foirm iarratais leictreonacha ar fáil do Shraith 2 den Chlár Cultúir; faisnéis faoi Lá na Nasc Cultúrtha i mBéal Feirste: seoladh measúnaithe sheachtraigh eatramhaigh ar an gClár Cultúir; fógra maidir le rannpháirteachas Dalkey Archive Press sa Tionscnamh Domhanda Aistriúcháin; seoladh suíomh gréasáin nua a thugann sonraí maidir le gach imeacht a bhaineann leis an AE atá ar siúl in Éirinn agus, ar deireadh, meabhrúchán faoi shuíomh gréasáin an Ghníomhaireacht Feidhmiúcháin Oideachais Closamhairc agus Cultúir.